Mabuti pang sa Ganito na Lang Matapos ang Lahat
Na maglalakad ka palayo sa akin at hindi na lilingon pa
Wala kang sasambitin ni isang salita
Dahil isa lang naman ang magiging ibig sabihin noon, kundi
paalam na.
Mabuti pang sa ganito na lang matapos ang lahat
Na bigla ka na lang maglalahong parang bula
Para hindi mo makita ang aking mga luha
At namumugtong mata dahil wala ka na
Mabuti pang sa ganito na lang matapos ang lahat
Wala na rin akong salitang bibitawan
Dahil baka hindi na kita maiwan
Sundin ko na naman ang puso keysa isipan
Mabuti pang sa ganito na lang magtapos ang lahat
Dahil wala na rin namang patutunguhan
Kung ang puso mo’y hindi pa handa
Mabuti pang sa ganito na lang matapos ang lahat
Walang komento:
Mag-post ng isang Komento